6th-12th February, 2017 chhung hian Road Safety Week chu Mizoram pumah hman a ni dawn a, Kolasib District-ah pawh he hapta hi hman tur niin, vawiin khan District Bawrhsap Pu H.Lalengmawia hovin a hmandan tur a pisaah rel a ni.

Meeting-ah hian Pu R.Lalnunmawia, District Transport Officer, Member Secretary District Road Safety Committee chuan he hapta hman thin dan report pe in, State Level Committee in a hmang tura a beisei dan te member te a hriattir a. Pu H.Lalengmawia chuan he hapta hi hlawkthlak taka hman a nih ngei theih nan leh dan leh inkaihruaina hrang hrang inhilhthar nana hman ngei tha a tih thu a sawi a.

He hapta hawnna hi 2nd February, 2017 ah Diakkawn, Kolasib-ah zing dar 7-ah neih a ni anga, District Bawrhsap-in a hawng ang. He hapta pual hian maxicab, auto rickshaw leh Taxi khalhtu te tan dan leh hrai inhrilhriatna hun leh infuihtharna hun hman a ni anga. Kawnpui, Vairengte, Bilkhawthlir leh Bairabi-a Police Sation-a Officer incharge hovin an bial theuha sumdawng motor khalhtute kohkhawmin infuihtharna hun hmang tura ruahmanna siam a ni a. Hei bakah hian Kolasib a school naupang hnenah he hapta puala inzirtirna hun hman tum a ni bawk a. Kolasib a Maxicab, auto rickshaw leh Taxi khalhtu tha ber thlan a ni anga, lawmman pek a ni bawk ang.