Vawiin hian Serchhip District Road Safety Committee chu Pu Chuahnuna, MCS, Addl. Deputy Commissioner hovin an thukhawm a, Road Safety Week, February ni 12 leh ni 16, 2018 inkara lo thleng tur hman dan tur an rel.

Pu Chuauhnuna chuan, lirthei khalhtuten fimkhur tak leh dan zawm chunga lirthei kan enkawl a pawimawh a, sawrkar chuan fimkhur leh dan zawm a pawimawh zia inhrilhhriat tharna hun atan Road Safety Week a ruahman thin a ni, a ti a. Hlawk taka Road Safety Week hman a nih theih nana ruahmanna siam thiam a tul thu a sawi a ni.

Vawiina Meeting hian, Road Safety Week hawnna inkhawm chu 12^th February, 2017 dar 10:30 Am ah DC Conference Hall neih nise an ti a, Week chhung hian Serchhip a lirthei zawng zawng endik hna thawh nise tiin a rel a. Serchhip a Passenger phur thin lirthei khalhtute zawng zawng Week chhung hian Training pek vek nise an tih bakah, Passenger phur lirthei ( Maxi Cab, Taxi leh Auto Rickshaw) khaltu tha ber thlan chhuah nise an ti bawk.

Vawiina meeting ah hian Serchhip SP Pu Lalringdika, MPS leh Serchhip District Road Safety Committee member dangte an tel a ni.