46 Assam Rifles leh Mizoram Sorkara Traffic Police Department thawhho na hnuaiah 26.07.2017 atanga 31.07.2017 chhung hian Aizawl ah Road Safety Week hman a ni dawn a. Vawiin khan he hapta hawnna hun hi Pu Joseph Lalchhuana, IPS, DIG (NR) leh Brig. MS Moksha, SM, DIG 2 Sector Assam Rifles hovin hman a ni.

Road Safety Week hawnna inkhawmah hian Aizawl Traffic Police 10 chu Assam Rifles in an thawh that avanga chawimawina a hlan a. Lirthei kawnga chetsualna thleng thei hrang hrangte entir ni bawkin, NCC cadet-te leh school hrang hranga zirlaite he programme ah hian an tel a ni.

Road Safety Week chhung hian inhrihhriatna hmanrua atan seminar te, demonstration te leh quiz competition te buatsaih a ni ang a. NCC volunteer ten Traffic Police te hnathawh ah an puibawm bawk ang.