Vawiin ni 11 July 2013 (Ningani) hian Chhim Veng YMA Hall, Mamit ah Ethic Committee buatsaihin ‘ Rorelna dik” (Good Governance) tih thupui hmangin Seminar buatsaih a ni a, he hun hi Pu J.H Rothuama Minister, Excise etc,. in a hmanpui.
He seminar Upa Lalnilawma, Colney Member Ethic Committee kaihhruaiah Chief Minister aiawha hmanpuitu Pu J.H Rothuama Minister chuan tun hma a kan pi leh pute hun laia valupa ten Lal rorelna-ah thurawn an pek thin na in awmzia a neih thin angin Ram rorelna kawngah ram roreltute’n dik taka ro an rel theihna turin Chief Minister ruahmanna a Ethics Committee din a nih thu a sawi a, he committee hi sawrkar kawng dik lo lak atanga vengtu leh khalh ngiltu anih thu sawiin tun tuma Seminar kan neih hi pawimawh hle a ni a ti bawk.
Minister chuan Ethics Committee hmalakna fakin hlawh neilova thawktu an nih avangin kan ngaihsak a tul a ni a ti bawk.
NLUP chungchang sawiin hei hi Party Policy nilovin sawrkar flagship Programme a nih thu tarlangin hlawhtlin pui ngei turin a dawngtute a chah a, sawrkar hnathawkte pawh ngai pawimawh turin a chah bawk.
Minister chuan he seminar ‘Rorelna Dik’ tih hi ngaithla liam mai lova hlawkpui theuh turin kalkhawmte a chah bawk.
He Rorelna Dik Seminar-ah hian Dr J. Thanruma Secretary Ethics Committeee-in inhmelhriattirna leh Reports Pe-in Rev Dr K. Thanzauva Ethics Committee member-in Rorelna Dik Bible in a sawi dan paper slice show hmangin a entir a, Rev C, Lalsangliana Ethics Committeee member-in ‘Rorelna Dik’ Mizoramah tih paper a buatsaih bawk a, hemi zawh hian papers te sawihona hun buatsaih a ni bawk.
He Rorelna dik Seminarah hian Mamit khawpui chhunga Heads Of Offices, Sawrkar hnathawk UDC chin chunglam zawng zawng, Mamit khawpui chhunga zirtirtu zawng zawng, Tlawmngai Pawl hrang hrang hruaitute, khawtlang roreltu V/C Members te , kohhran hrang hrang hruaitute, Mamit khawpui pawna office hrang hrang hotute bakah thuthar thehdarhtu mi thahnem tak an tel a ni.
