Pu John Rotluangliana, Minister Food Civil Supply & Consumer Affairs etc chuan dt 24-26 Nov, 2016 chhung khan a bial chhung khaw hrang hrang Tuirum, Khawhnai, Hruaitluang, Tuipuibari, Rajiv Nagar, Khantlang, Andermanik leh Damparengpui khuate a tlawh a, heng khaw hrang hrang a tlawh kualna-ah hian BADP sum hmanga hmasawnna hna thawh mekte a hmunah a tlawh nghal bawk.

Pu John-a chuan khaw hrang hrang a tlawh kualna-ah amah lo lawmtu khawtlang hruaitu leh mipuite hma-ah tun dinhmunah Mizoram chu buhfaiah harsatna leh thlaphanna tur a awm lo a ni a ti, Gas chungchangah Central YMA te nen tangtlanga mipuite’n gas buk tling leh tha zawk kan lak theihna tura hmalakna avangin gas phurhna lamah carring contructor te’n an phurh duhloh vanga gas harsatna chu a tihziaawm dan sorkar chuan a ngaihtuah mek zel a, gas a kan harsatna pawhin ziaawm lam a pan mek zel a ni tiin India ram chu sakhaw zalenna ram kan nih avangin Mizoram sorkar hnuaiah ei phalh loh emaw talh phalh loh emaw thu-ah in khapna dan engmah a awm ngai dawn lo a ni a ti.

Minister chuan sorkar hmasawnna leh hmachhawp hrang hrangte tarlangin NLUP chu mi harsa leh rahbi tleu tawhte dawmkan lehna hmanraw tha ber a nih avangin sem chhunzawm zel a ni dawn a ni a ti a, NLUP dawng ve lo te pawh NEDP hmanga tuam chhunzawm zel an ni dawn a ni tiin Mizoram Sorkar chuan thalai te hmakhua ngaihtuahin infiamna lamah pawh theihtawp a chhuah zel a, Mizoram Youth Commission kaltlangin thalai rampawna hnathawk turin mi 3000 chuang thawnchhuah an ni tawh a ni a ti bawk.

Tranport Minister hian a bialchhung kawng BRTF enkawl mek chu an Commandant hova enpuiin kawngpui thawmthat hna chu a ranglama thawk turin a ngen a ni.

Bialtu Minister hian heng khaw hrang hranga BADP sum hmanga hmasawnna hna thawh mekte chu khawtlang leh ram tana rotling ni turin hna viltu leh khawtlang hruaitute chu a chah bawk a ni.

Bialtu Minister Pu John Rotluangliana hi Mamit atangin Department hrang hrang hotute’n an tawiawm a ni.