Social Welfare Department buatsaihin vawiin chawhma dar 11 : 00 khan Anganwadi Workers Training Centre, Laipuitlang ah Mizoram Anganwadi Centres atan implementation of ECCE Curriculum hawnna hun hman a ni.

Early Childhood Care & Education (ECCE) hi 1CDS hnathawh pawimawh ber zinga mi a ni. Kum tam tak chhung chu Mizorama .kaff Anganwadi Centre-ah hian non-formal pre-school education hi kalpui a lo ni reng tawh thin a. State puma hman tur Curriculum erawh chu siam a la ni ngai lo.

Tunah chuan Mizoram puma Anganwadi Centre zawng zawngah a inang veka hman turin Theme Based Contextualized ECCE Curriculum chu duan chhuah a lo ni ta a. He ECCE Curriculum hmang tan thei tur hian State puma Anganwadi Worker te pawh training pek fel vek tawh an ni bawk.

He Curriculum ah hian theme 21 a awm a, theme pakhat hian ni nga zel awhin theme pakhat hi kar hnih zir zel tur a ni. Naupangten taksa leh rilru lama hma an sawn theih nan activities chi hrang hrang, an kum mil zel tura duan a ni a, a theih ang apiangah Mizo thawnthu, Mizo infiamna leh hla uar a ni.

ECCE Curriculum nena hman kawp tur hian lehkhabu pathum - Naupang Thawnthu & Nursery Rhymes, Activity Book Level-I leh Activity Book Level-ll buatsaih a ni bawk.

He Curriculum hi vawiin - November ni 28, 2016 atang hian Mizoram pumpuia Anganwadi Centre zawng zawngah hman tan a ni tawh dawn a ni.