Rs.500 leh Rs.1000 hlutna hnuhkir chungchangah Reserve Bank of India (RBI) chuan a hnuai ami ang hian thuchhuah an siam -
Kan hman lai mek Rs.500 leh Rs. 1000 note hlutna hnuhkir chungchangah harsatna leh bahlahna awm lo a, note dang hman lai mek nen tluangtaka thleng kual hi Bank ho tana mawhphurhna pawimawh tak a ni a. Pawisa hman theih tak loh te rang tak a ATM-a awmsa lak chhuah hi, Sorkar Laipui announcement a tanga darkar tawite chhunga tih nghal a nih bakah, pawisa hman theih a thlak hi, ni hnihchhung a zawh fel nghal a ni a. mipui ten awlsam taka pawisa an thlengkual theihna turin, ram chhung a bank branches awm zawng zawngah exchange facility hi, Sorkar anncouncement a tanga nikhatah ruahmanna siam nghal a ni. Mipuite harsatna ti kiang thuai tur hian, RBI office leh ram chhunga bank branch zawng zawngte pawn additional counters hawngin, an business hours pangai ai a seiin hna an thawk a ni . November 10, 2016 ah khan 10 crore lai thlengsak a nih thu report dawn a ni. Chubakah, RBI leh Bank-te chu mipui mamawh phuhruksak turin Inrinni leh Chawlhniah pawh dawr theih tur a hawn a ni bawk.
Pawisa awmlai mek hman theih hi (pawisa thar Rs 2000/- tel in) ram chhung currency chest 4000 laiah chhekkhawl a ni. Hei hian mamawh zualpui chu phuhru tur a ngaih a ni. Heng dahkhawl atang hian bank branch te chu an mamawh pek chhuah zel a ni. Note chhutna hmun Printing Press-ah pawh nasa leh zual a thawh a ni a, chhun zan zawma note thar hi chhut chhunzawm mek a ni.
Hetia theihtawp chhuah anih mek lai hian mipuite chu, pre-paid card, Rupay/Credit/Debit Cards, Mobile Banking, Internet Bankingah te inlehna chang hre thar tur leh mahni lo insiam rem turin an duh hle a. Jan Dhan Yojana (JDY) account lo neisa te leh card dawngtute chuan hmang tangkai tura ngen an ni. Heng hi kan hman tangkai thiam chuan pawisafai mamawhna a tlem anga, hei hi hmasawnna nasa tak a ni ngei ang. A chunga sawi tak Rs.500 leh Rs.1000 note te hi India ram pumah December 30, 2016 thleng bank-ah thleng theih a ni ang a, hemi hnuah hi chuan RBI Office ruat bik hmunah thleng tur a ni thung ang. Hun a la thawla, bank-ah inhnawh tawt lova, lo phibuai lo turin mipuite an ngen a ni.
