Rs.500 leh Rs.1000 note thih chungchanga Kolasib dinhmun sawihoin vawiin khan District Bawrhsap Pu H.Lalengmawia hovin Bank Manager te nen a pisaah an thukhawm.

District Bawrhsap chuan dawrkai te Rs.500 leh Rs.1000 chu a tak anih chuan December 30 thleng Bank-ah dah luh reng theih a nih avangin dawng hreh lo tur an nih thu leh hei avang hian mipui harsatna thlen lo turin a duh thu a sawi a. Henga harsatna tawk an awm chuan DC office lam hrilhhreh lo turin a duh thu a sawi.

Vawiin meetingah hian tun dinhmunah Bankah pawisa a thleng thei reng thu tarlan a ni a, SBI-ah ni khatah Rs.2000/- leh bank dangah ni khatah Rs.4000/- a thleng theih a. SBI tih loh bank dangah kar khatah Rs.24,000/-a lakchhuah theih a, SBI ah ni khatah Rs.2000/- a lakchhuah theih thung a ni. Rs.2000/- note in Kolasib a lo thlen tawh thu tarlan niin, ATM atanga lakchhuah theih turin a khawl te siam that a nih thuai tur thu tarlan a ni bawk.

Hemi chungchangah mipui te chi ai lo tur leh pawisa note dinhmun pawh a thatlam a pan reng thu tarlan a ni bawk.