Vawiin khan ATI, Aizawl buatsaihin Vanapa Hall-ah ‘Multi-Stakeholders Workshop on RTI Act, 2005’ neih a ni a, Information & Public Relations Minister Pu Zodintluanga chu Khuallian niin workshop a hawng.
ATI Director Pu K. Riachho kaihhruai workshop hawnna inkhawmah I&PR Minister chuan Democracy-ah chuan sorkar tha leh tha lo an tehna ber chu inthlan laia mipuite hnena manifesto hmanga an thutiam te an hlen leh hlen lo a nih thu sawiin, sorkar tha leh dik, langtlang leh mipui hmasawnna tura thawk tak tak neih tur atan RTI Act hi hmanraw pawimawh tak a ni, a ti. Khawvela ram changkang zawkten RTI Act an nei deuh vek a, chuvangin hmasawnna leh RTI Act chu thuk taka a inzawm tlata a hriat thu a sawi bawk. India ramah kum 2005 atanga RTI Act hman tan a nih hnuah sorkar lama mawhphurtute laka mipuite lungawilohna ber chu an tih tur an ti tawk loh leh an ngaihthah vang nia a hriat thu sawiin Minister chuan sorkar hmalakna hrang hrang leh kalphung hrim hrim mipuite hriattir chu sorkar lama thuneitute mawhphurhna a ni tih hre nawn turin a chah a. NGO leh Media ten RTI hman dan leh hman tangkai dan tura mipuite an hrilhhriata an zirtir zel a pawimawhzia sawiin Minister chuan sorkar hmasawnna programme/scheme a kalpui danah a titu te tihmingchhiat tumna ngawt ni lova, chung hmasawnnate leh scheme ten an thlenna tur dik tak a thlwen leh thlen loh hre thei tura mipui kaihhruai kawngah Media leh NGO ten mawh an phur nasa hle a ni, a ti. Vawiina Workshop-a tel zawng zawng sorkar, NGO leh media aiawh kalte chu RTI chungchanga harsatna an tawhte sawihova, thawk tha zawk theih dan tur an zirchhuah ngei a beisei thu leh a duhsakna a hlan a ni.
ATI Director Pu K. Riachho pawhin India ramah RTI Act pianchhuah dan leh hman a nih chho dan te tarlangin democracy ramah chuan sorkar kalphung leh thil tih hrim hrim chungchang mipuite an hriat ngei ngei tur a ni a, chu chu RTI Act tum ber pawh a ni, a ti.
He Workshop-ah hian Pu Vanlalvuana, RTI Nodal Officer, ATI, Pu C. Vanlalhruaia, Head Faculty, DM Cell, ATI leh Dr. Zonuntluanga, Selction Grade Lecturer, GAC te chu Resource Person an ni.
ATI Director Pu K. Riachho pawhin India ramah RTI Act pianchhuah dan leh hman a nih chho dan te tarlangin democracy ramah chuan sorkar kalphung leh thil tih hrim hrim chungchang mipuite an hriat ngei ngei tur a ni a, chu chu RTI Act tum ber pawh a ni, a ti.
He Workshop-ah hian Pu Vanlalvuana, RTI Nodal Officer, ATI, Pu C. Vanlalhruaia, Head Faculty, DM Cell, ATI leh Dr. Zonuntluanga, Selction Grade Lecturer, GAC te chu Resource Person an ni.
