I & PR leh  Mizoram State Information Commission  buatsaihin vawiin khan I&PR Conference Hall-ah Right to Information Act chungchang  Mizoram Journalist Association  member-te nen sawiho a ni. Zawhna leh chhanna leh  sawifiahna hun tha tak neih  a ni.

Pu Lal Dingliana, IFS ( Rtd ) Chief Information Commissioner, MSIC chuan Mizoramah RTI chungchang mipuite hnena hrilhfiahna kawngah I & PR Department te nen thawhho tha tak an nei chu a hlawhtlinna pawh  lang tawh in tunah chuan  RTI  thil tum leh kalphung  mi tamtakin an hre tawh in an hmang tangkai tawh hle a ni a ti a, hemi kawngah hian  MJA te pawh an bang bik lova, RTI chungchang mipuite hriat tura chanchinbu hmang a an lo thehdarh pui na ah lawmthu  sawiin  zir zau erawh  a ngaih thu a sawi bawk a ni.

Mizoram in RTI a hmelhriatna hi kumin July hi a kum sawm na  a ni a, thil tha ti tura tanrualna a niin  hlemhletna awm thei lakah pawh  vengtu tha tak anih thu  Pu Lal Dingliana chuan sawiin  RTI Act chu Sorkar langtlang leh dik neih nan, corruption ven nan leh do nan te leh mipui leh Sorkar inhnaih a, Information dil leh pek theih nan a siam a ni  a, hriatfiah loh ah chuan  a hrilhfiahna  bu  Mizo leh  Saptawnga buatsaih  a awm thu a sawi  a. RTI  chungchang sawizau nana Mizoram District  hrang hrang an tlawh kual thin na pawhin  rah tha tak a chhuah zel tih hriat anih avanga lawmawm a tih thu a sawi bawk.

Pu Jim K. Chozah, MIS, Director, I&PR vawiin programme kaihruaitu chuan Pu Lal Dingliana, CIC chu kumin October thla  hian a  term kum nga  chu a lo zawh dawn tak avanga  kal chhuak mai tur anih  thu leh he hna a chelh chhunga  RTI Act ti lartu leh miten an hmelhriat phah na a ni a, a uihawm dawn hle a ni tiin  I&PR Director chuan  RTI Act  hi  hman that a ni chho tawh  hle in  Corruption pawh  a tawmim in a  zalen ngam tawh lo a ti.

MJA Vice President Pu Zonunsanga Khiangte pawhin RTI Act chungchang hi sawiin tunlaia Social Media hrang hrangah te pawh hman tangkai anih dan leh RTI chungchang inhrilhfiah zau zel a tul thu a sawi bawk.

Vawiin Meeting/Inteeraction wtih MJA on RTI hun hmanah hian  sawihona leh zawhna leh chhanna hun tha tak hman a ni a. Pu L. Hrangnawna, IPS ( Rtd) Information Commissioner pawh in  RTI Act chungchang te a sawifiah a, hun tawpah lawmthu sawiin a khar a ni.