Tahrik Ni 5, October 2012 atanga hman tan tur “Right To Information (RTI) Week- 2012”  hawnna inkhawm chu vawiin chawhma dar 11 : 00 khan I&PR Conference Hall Saiha-ah neih ani.

He Week hawnna inkhawm hi Pu N. Vabeiratlua, I&PRO Saiha chuan a kaihruaia, Pu Vanlalngena Additional Deputy Commissioner, Saiha chu Khuallian ani. Thu sawiin khuallian chuan R.T.I. Act hiIndiakhua leh tui te tan thil pawimawh tak anih thu a sawi a, Kum 2005 October thla atanga hman tan anih thu a sawi bawk.Indiachu Democracy ram anih thu leh mipuite sawrkarsiamani tiin India Danpui chuankanduh zawngte sawi thei tur in Right min pe ani a ti bawk. Mipuiten sawrkara kan chanvo te chang phak lova inhriatna kan nei lian zel a, R.T.I. Act hi Mizoram-ah kan la hmang tangkai tawk lo ani tiin he Dan hi tangkai taka mipui ten kan hman theih ani tiin kan tana Dan tha tak India sawrkar in min chhawp chhuah sak hi hman tangkai tum theuh turin kalkhawmte chu a chah ani.

R.T.I. Week 2012 hawnna inkhawm a Khualzahawm Pu Pachi Hlychho,  Legislative Secretary(i/c), M.A.D.C. pawhin thu sawiin District Council huam chhung bikah R.T.I. Awareness an neih tlem thu a sawi a, R.T.I. Act hi kum 7 chhung hman ni tawh mahse Mizoram-ah hian kan chhawr tangkai em em lo ani tiin he dan hian langtlang sawrkar mipuite hnena din hi a tum ber ani a ti a, R.T.I. Act hi Official te aimahin mipuite hian kan mamawh zawk ani a ti bawk. R.T.I. Act ah hian ho lua leh te lua awm lovin engkim zawhfiah theih vek ani tiin R.T.I. hi mipui tenkanchhawr tangkai thiam a pawimawh ani ati bawk.

He Week hawnna hi Session hnih a then niin Session hnihna “Zawhna leh Chhanna” hun chu Pu C.Z Hluna, President M.J.A. District Headquarters, Saiha chuan kaihruaiin Resource Person hrang hrang Pu Laldinpuia Tlau, 1st Class Judicial Magistrate, Saiha, Pu F.C Khihnia, Advocate, Saiha leh Pu N. Vabeiratlua, I&PRO, Saiha ten thu an sawi bakah kalkhawmte hnen atanga zawhna hrang hrang te an chhang nghal zel ani.

He R.T.I. Week hawnna ah hian Saiha khawpui chhunga Department hrang hrang hotute, tlawmngaipawl hrang hrang hruaitu te leh Chanchinbu mite bak ah School naupang te an tel tha hle a, hriat tur leh R.T.I. hmanga zawh tur leh zawh duh neite tan zawhna Form kalkhawmte hnenah hian sem nghal vek ani. Programme kar lakah zaithiam te zai ngaihthlak ani.