Vawiin chawhma dar 11:30Am khan I&PR Conference Hall, Council Vaih-ah R.T.I. Week-2017 chu hlawhtling taka hman a ni. 

He Week hmanna hi Pu N. Vabeiratlua, I&PRO chuan a kaihruaia, District Bawrhsap Smt. Harleen Kaur IAS chu khuallian a ni. Sawihawnna leh kalkhawmte chawnglawmna thu Pu N. Vabeiratlua, I&PRO chuan a sawi hnu-ah he week hmanna a khuallian Smt Harleen Kaur IAS, District Bawrhsap chuan thu sawiin, RTI Week hi kum 2011 atang khan kan hmang tan a,vawiin ni-ah hlawhtling taka week hman ani leh thei chu lawmawm a tih thu leh a buatsaihtute chungah lawmthu a sawi. Mipuiten RTI Act kan hmelhriat chho ve tawh hle a, RTI Act vanga Information kan mamawh tak takte kan dawn phah fo tawh hi thil lawmawm tak a ni, a ti. 

Khuallian Harleen Kaur chuan RTI hmanga zawhna siam hi mipuiten kan tihtur a ni a, Chhanna hi Department leh a zawhna dawngtute tih ngei ngei tur a ni a, Sawrkar ang zawng phei chuan kan duty a ni tih kan hriat thar leh angai a ti bawk. A sawizelna-ah khuallian chuan Sawrkarin a duh ber chu Langtlang Sawrkar siam (Transparent Government) hi a ni a, chumi siam thei tur chuan mipuite kutah lian takin nghah a ni ta a ni. 

Khualzahawm Pu V.Zacho, Executive Secretary, MADC Siaha pawhin RTI Act hi kan hmang tangkai tawh em em a, kan rama thil dik tawk lo hai lanna a awm theihna chhan te pawh hi kan ban phaka RTI Act chhawpchhuah a nih tak vang a ni a, i hmang uar sauh sauh ang u, a ti bawk. 

Vawiin a RTI Week hmanna-ah hian khuallian Smt. Harleen Kaur chuan RTI Hoarding Slogan inziahsiakna a lawmman dawngtu Nl. Mellisa, B.A. 5th-Semester zirlai hnenah Certificate leh pawisa fai cheng 2000/-  a hlan a. Mellisa Slogan-ah hian “ Langtlang, Rintlak leh Mawhphurhna la ngam Sawrkarna siam turin (RTI) Act thiltihtheihna i kutah a awm e” tih a ni. 

R.T.I. Week-2017 hmanna ah hian huamzau taka sawihona, zawhna leh chhanna hun hman niin, Pu CZ. Hluna, Vice President, MJA, Siaha District chuan a kaihruaia,  Resource Person-ah Pu Js. Beizawzilai, Advocate leh Pu N. Vabeiratlua, I&PRO bakah Department hrang hranga SPIO leh ASPIO ten mipuite zawhna an chhang a ni. Programme kar lakah zaithiam zaite ngaihthlak a ni a. Pu CZ. Hluna, Vice President, MJA, Siaha District chuan lawmthu sawina neiin, he RTI Week, 2017 hmanna programme hi a tihtawp a ni. 

Vawiin R.T.I. Week hmanna-ah hian Siaha District chhunga Department hrang hrang hotute, Tlawmngaipawl hrang hrang hruaitute, Siaha khawpui chhunga Village Council hrang hrang Member te, Siaha khawpui chhunga School thlanbik aiawhte bakah Chanchinthar thehdarhtute an tel kim hle a ni.