2227/2022-2023

Mamit 7th October, 2022 : Vawiin khan DC Conference Hall, Mamit-ah RTI Week, 2022 hman a ni a. Pu Lalnunhlua, Mamit District Bawrhsap chuan khuallian niin he hun hi a hmanpui.

Khuallian chuan thu sawiin RTI Act chu midang tihluhaina ringawta hmang lova, thil tha zawk a lo chhuah theihna tur leh thlemna laka kan him theih nan te, min khalhngiltu atana hmang turin kalkhawmte a chah a. Department hotute chu suo moto-in kan tih ngei ngei tur a tih ang chi ngaipawimawh tura chahin SPIO leh SAPIO kan nih angin RTI zawhna te a hun taka kan chhan loh chuan hrem theih kan ni tih inhria a, a hun taka chhang thin turin a chah a. Mahni sum senga fine tam tak neih theihna pumpelh turin Office tina dealing staff te chu an hna vil tha turin a chah bawk.

Pu Lalhmachhuana, Lecturer, Govt. Higher Secondary School Mamit & District Resource Person chuan RTI Act 2005 chungchanga hriat tur pawimawhte zirtirna a pe bawk.

He hunah hian MHIP Sub-Hqrs, Mamit te'n RTI Act chungchang entirna tha tak hmangin Drama an chang a. A duh apiangte tana thu sawina hun hawn anih bakah zawhna leh chhanna hun hmanho a ni bawk.

He hun hi Pu Paul Rokima, MIS, DIPRO Mamit chuan kaihruaiin Pi Sapliannguri, Superintendent, DC's Office, Mamit chuan lawmthu a sawi a ni.