2478/2024-2025

Dated Hnahthial, the 11th October, 2024: Vawiin khan Hnahthial DC Conference Hall-ah 'Right to Information (RTI) Week, 2024' pualin Hnahthial District-ah hun hman a ni a. RTI Week hi kum tin October thla tirah India ram puma hman thin a ni.

He hunah hian Hnahthial Bawrhsap, Pi Rita Lalnunmawii Pachuau chuan thu sawiin Right to Information (RTI) chu sawrkar thiltih kan hriat theihna leh sawrkar thiltihna a mipui kan tel ve theihna pawimawh tak a nih thu a sawi a. RTI hi sawrkar hnathawkte an thiltiha fimkhur tirtu leh mawhphurhna laktirtu, ti accountable tu pawimawh tak anih avangin mipuite chuan hmang tangkai tura a duh thu a sawi a. He Act hi hlau leh ning mai lovin tha taka kengkawh zel turin kalkhawm zawng zawngte chu a chah bawk. Hemi anih rual hian RTI hi sawrkar beih leh khei nana hmang lova, a duan chhan tak, mipui ten an dikna chanvo an hmuh nana hmang tangkai zawk tura a duh thu a sawi a ni.

He hunah hian RTI puala inzirtirna chu Resource persons te hnen atanga neih a ni a. Pu F. Lalrinfela, DIPRO, Hnahthial hnen atangin RTI chungchang tlangpui inhrilhhriatna - 'Overview of RTI' ngaihthlakna neih niin Pu Lalrinpuia, Asst. Professor, Govt. Hnahthial College hnen atangin RTI atanga thil dil, information dawng a pe chhuak tu- SPIO/SAPIO te mawhphurhna - 'Role of SPIO/SAPIO' chu ngaihthlak a ni bawk a ni.

Dr. Malsawmtluanga Fanchun, Project Director, DRDO chuan hun hi kaihruaiin Pi Esther Leihang, SDO Sadar chuan he hun hi lawmthu sawina in a khar a ni.

RTI Week chhimna hunah hian Pu Manny Bhushan Singh, SP, Hnahthial; Head of Office hrang hrangte; VC member te, Hnahthial Town YMA branch leh Sub Headquarters YMA member te; MUP, MHIP leh MJA member te bakah Govt. Higher Secondary School, Hnahthial zirlaite an tel a ni.