557/2024-2025
Khawzawl, 25th May 2024: Govt. of Mizoram, Directorate of Science & Technology, State Meterological Centre, in ni 24.05.2024-a an tihchhuah angin Bay of Bengal chhim chhak lama thlipui insiam mek chuan a hrut theih zingah Mizoram tello mahse Mizoramah ni 26-27 May, 2024-ah te ruah tam tham tak leh hmun thenkhatah thli na vak lo (50-70 kmph) vel a rawn thlen tura ngaih a ni a. Khawzawl District chhunga veng/khua tina Village Level Disaster Management Committee (VLDMC) te a tul anga hma lo la turin leh a hnuaia inkaihhruaina tarlante hi kan veng/khua theuha lo puangzar turin kan inngenin kan inhriattir e:
1. Mahni in leh lo, office building leh hnathawhna hmun te’n thli leh ruah a dawl theih nan a tul anga thawm that ngai lai te thawm that tur a ni.
2. Mahni in leh a velah leimin hlauhawm a awm a nih chuan Silpoulin/Tarpoulin-a khuh that tur a ni.
3. Thlipui leh ruah vanga current neihloh theih a nih avangin mobile phone leh electric bungrua charge theih ang ang te chu charge full sa vek tur a ni.
4. Thing leh mau, thli in a len thluk mai theih, electric wire delh mai theih te chu kih/senghawi tur a ni.
5. Tuihawk luan kawrte then fai tur a ni.
6.Lei laih lai nei te tan leimin a thlen loh nan hnathawh zawhah uluk taka khuh tur a ni.
7. Thu dik tawk lo leh belhchian dawl lo thehdarh loh tur a ni a, lo thehdarh an awm chuan DM Act, 2005 hnuaia hremna dan ziak angin an chungah action lak a ni ang.
Khawzawl District chhungah khuarel chhiatna lo thleng a awm chuan District Emergency Operation Centre (DEOC) Phone Number: 9233201092 ah engtik lai pawha biak theih a ni a, engemaw vanga line tlang theilo a nih pawhin mahni bialtu Zonal Officer te hnenah chhiatna thlen thu hriattir theih a ni.
