635/2025-2026
Saitual, the 28th May, 2025: India Meteorological Department, Ministry of Earth Sciences-in khaw chin a thlir lawknaah chuan 29th-30th May 2025-ah hian Mizoram hmun thenkhatah ruah leh thlipui thawh theihna hmun awmin a tarlang a. Khuarel chhiatna thleng thei laka Saitual district mipuite an inralrin theih nan Saitual District Management Authority (DDMA) Chairman Dr. Lalngura Tlau chuan a hnuaia tarlan ang hian thu a chhuah.
MIPUITE HRIATTIRNA:
Indian Meteorological Centre, Ministry of Earth Sciences, Government of India Special bulletin dt.28.05.2025-in a tih chhuah danin tunkar 28th - 30th May, 2025 inkar hian Mizoram chhungah ruah tam tak a sur dawnin a tarlang a. Ni 29th May ah a sur hnem deuh bik dawna ngaih a ni a.
Hemi chungchangah hian mipuite chiai lo turin kan inhriattir a, amaherawhchu Saitual District mipuite kan lo fimkhur zawk nan a hnuaia tarlante hi mipuiin ngai pawimawha lo zawm theuh turin kan inngen in kan inhriattir e:
1. Mahni in leh lo thli leh ruahin a tihchhiat mai loh nan thawm that ngaite a tul anga thawm that tur a ni. Fur ruahtuiin leimin a thlen loh nan kan in leh a velah tui hawk luan kawr mumal tak siam tur a ni a, mahni in leh a velah lei min hlauhawm a awm a nih chuan khuh hul that tur a ni.
2. In sa mek te'n ruahtui tlak hmain an in sak leh a velah leimin emaw midang tana chhiatna thlen thei thil engmah awm lo tura hma lak tur a ni a, tuihawk luan kawr hnawh thei zawngin leivung an paih tur a ni lo.
3. Kan veng chhunga tuihawk luan kawrte bawlhhlawhin a hnawh em tih enfiah tur a ni a, tuihawk luan kawr dal thei zawnga bawlhhlawh paih loh tur a ni. Tuihawk luan kawr hnawh pin a awm a nih chuan ruah tui tlak tam hmain thenfai vat tur a ni.
4. Ruahtui tlak tam laiin lui leh tui hmunah te, ramhnuai-ah te kal loh hram tur a ni a. Sorkar thuchhuah thar awm apiangte lo ngaichangin, lo ngaih pawimawh theuh tur a ni.
5. Thli leh ruah avanga eng (power supply) awm lo mai thei reng a nih avangin kan electric bungraw kawlte charge lawk thin tur a ni.
6. Thing leh mau thli in a len tluk mai theih a awm a nih chuan kih / a zar thlak lawk tur a ni.
7. Chhiatna thleng thut a lo awm a rang taka report-a hma lak zung zung a nih theihna turin kan veng chhunga thuneitute leh NGO-te contact number neih theuh tur a ni.
8. Thu dik tawk lo leh belhchian dawl lo thehdarh loh tur a ni a, thehdarh lui kan awm a nih chuan Disaster Management Act 2005 hnuaia hremna dan tarlan angin an chungah hremna kenkawh a ni ang. Chhiatna a lo thlenin Village Disaster Management Committee-in rang takin an bawhzui tur a ni a. Saitual District Emergency Operation Centre emaw kan Zonal Officer- te emaw hnenah a rang thei ang bera hriattir tur a ni. Saitual District chhunga Zonal Officer-te biak pawh theihna phone number kan han tarlang e.
1. Pi Dorothy Muansangi, SDO(C) Ngopa Sub-Division 9774066872
2. Pu J. Lalhmahruaia,
BDO Phullen RD Block (Phullen Zone)- 8258067528
3. Pi Christina
Lalnunfeli, SDC Phullen RD Block, Saitual Zone- 9089234494
Mipuite ngenna leh Hriattirna.pdf
