636/2025-2026
Lawngtlai, 28th May 2025 : Ruah tam tham tak leh thlipui tleh mai thei chungchangah Lawngtlai Bawrhsap chuan a hnuaia mi ang hian mipuite hnena hriattirna a tichhuak.
State Metereoligical Centre, Govt. of Mizoram thuchhuahin a tarlan angin Bay of Bengal - a cyclone thlipui insiam ( deep depression) avangin Mizoramah ruah tam tham tak ni 27 May atanga 3rd June 2025 hian a rawn thlen tura ngaih a ni a. Ni 29 May,2025 bik hi thli leh ruah nasa tak ( red alert) thleng tura ngaih a ni. Thlipui leh ruahpui thleng thei chungchangah hian mipuite chiaia lo turin kan inhriattira, amaherawhchu mipuite thlipui leh ruah sur avanga chhiatna thleng thei laka kan him theih nan fimkhur tur leh a hnuaia tarlante hi zawm turin kan inhriattir a ni.
1. Mahni In leh lo thli leh ruahin a dawl theih nan a tul anga thawmthat ngai laite thawmthat tur a ni.
2. Mahni In leh a velah leimin hlauhawm a awm a nih chuan silpaulin/tarpaulin a khuh that tur a ni.
3. Thing leh mau, thliin a len tluk mai theih, electric wire delh mai thei te chu kih emaw a zar thlak tur a ni.
4. Thlipui leh ruah vanga eng ( current) neihloj theih a nih avangin electric hmang thil te charge lawkin, eng awm lohva eng chhit tur kan in ruahman lawk tur a ni.
5. Lui leh tui hmunahte kal loh tur a ni.
6. Thudik tawklo leh belhchian dawllo thehdarh loh tur a ni a, lo thehdarh an awm chuan DM Act 2005 hnuaia hremna dan ziak angin an chungah action lak a ni ang.
Khuarel chhiatna a lo thlenin District Emergency Operational Centre No 9862305452/ 7085928675 hi engtik lai pawh a biak pawh theih reng a ni a, engemaw vanga line a tlang theilo a nih pawhin mahni bialtu Zonal Officers/ Incident Commanders te hnenah chhiatna thlen thu hriattir theih a ni ang.
CHEEMALA SIVA GOPAL REDDY , IAS
Deputy Commissioner & Chairman,
District Disaster Management Authority,
Attachment
- Loading attachment...
