1427/2023-2024

Serchhip, the 9th August : India Meteorological Department, Ministry of Earth Sciences, Government of India in ni 07.08.2023 Special bulletin- a tihchhuah angin ruah nasa tak sur chhunzawm zel tur ang in a sawi lawk a. Chuvangin, mipuite fimkhur tur leh inkaihhruaina te zawm turin Serchhip DC chuan mipuite a hriattir a ni.

1. Mahni in leh lo te thli leh ruah a dawl theih nan a tul ang a thawm that ngai laite thawm that tur a ni.

2. Tui paihna leh tui luan kawr te mumal tak a siam tur a ni.

3. Ruah sur avang a leimin thei laite hriatchian a fimkhur ni se.

4. Tui hmun, lui leh ramhnuai ah te kal loh a tha.

5. Ruah vanga eng (power supply) neih loh theih a nih avangin electric hmang thil te a charge lawk theih apiang charge lawk a tha, Rikrum thila mamawh tur torch light, emergency light, first aid kit, tui thianghlim leh eitur te lo inrin lawk a tha.

6. Ralkhel leh chi-ai lovin tanpui ngai an awm chuan a tul dan ang zela che chhuak tura in buatsaih tur a ni.

7. Thudik lo leh thu belh chian dawl lo theh darh loh tur a ni. A lo thehdarh an awm chuan, The Disaster Management Act, 2005. No. 53 of 2005, Section-54 hnuaia hremna dan ziak angin District Magistrate in an chungah action a la ang.

Chhiatna a lo thlenin Serchhip District Emergency Operation Centre Phone No. ah hian eng tik lai pawhin biak theih reng a ni - 9862116104.