1551/2026-2027

Dated Serchhip, the 29^th July 2026: Vawiin khan Serchhip District Deputy Commissioner Pu Paul L. Khuma hovin 'Jal Sanchay Jan Bhagidari: Catch the Rain 2026' (JSJB: CTR 2026) chungchang sawi hona, DC Meeting Hall-ah neih a ni.

Meeting-ah hian Sub-Deputy Commissioner Pi Lalchhanhimi hnen atangin 'Jal Sanchay Jan Bhagidari: Catch the Rain 2026' (JSJB: CTR 2026) thil tum leh hmalak tawhna hrang hrangte ngaihthlak a ni a. Serchhip District chhunga tuihna humhalh dan tur te, tuihna leh ruahtui luangral tur venna (artificial recharge structures) siam chungchang te, senso tam si lova tui luang ral mai mai tur ven dan tur te, sawrkar department hrang hrang leh scheme hrang hrangte thlunzawma, thawh hona tha zawk awm theih dan tur te, mipuite nena tangruala hmalak dan tur te, department-te hmalakna mumal zawka enzui a nih theihna tur leh data mumal zawk a awm theihna tura ‘JSJB: CTR Portal’ enkawl dan tur te leh target hlenchhuah theih dan tur hrang hrangte sawi ho a ni.

Serchhip District-ah JSJB hlawhtling taka kalpui a nih theih nan, tuihna kangchat mai theihna hmun (Water Stressed Area/Village)-te zir chian a, Action Plan mumal tak siam ni se tia rel a ni a. Mimal, pawl leh sawrkar office leh zirna in tinte'n ruahtui khawlkhawm nachang kan hriat thar leh theuh theih nan chak zawka hmalak ni se tihte rel a ni bawk.

Vawiin meeting--ah hian Additional Deputy Commissioner Pi Dorothy Muansangi bakah line department hrang hrang — RD&AD, PHED, Irrigation & Water Resources, Horticulture, Environment Forest & Climate Change, Fisheries leh Agriculture Department hotute an tel a ni.