1550/2026-2027

Siaha the 29th July 2026: Vawiiin khan District Hub for Empowerment of Women (DHEW), Women & Child Development Department bultumin "Project Thaichhawninu" tlangzarhna chu MADC Forest Hall, MADC Complex, Council Vaih Siaha-ah neih a ni.

“Launching of Project Thaichhawninu" hi DHEW a District Mission Coordinator Pi B. Zisia kaihhruaina hnuaiah neih a ni a, Child Development Project Officer (CDPO)  Pi Hepaw Hlychho chuan he project tlangzarhna hi neiiin, Siaha District ah Project Thaichhawninu tlangzarh theih a ni ta chu a lawmawm a tih thu a sawi. Sorkar in sum khawl leh enkawl inzirtirna atana ‘Project Thaichawninu’ a buatsaih hi a hlu a, kum 10 hnuai lam hmeichhe naupang nei ten he project hi an chhawr tangkai ngei a duh thu sawiin, kalkhawmte chu midang hrilhhre turin a chah nghal bawk.

Hun hmannaah hian Siaha ICDS Project a Circle Officer Pu Lalhmelmawia leh Siaha Sub-Postmaster Pu S. Paulalpom ten Project Thaichhawninu chungchanga hriattur pawimawh hrang hrang te kalkhawmte hnena hrilhriatna an neih nghal a ni.

Project Thaichhawninu hi Mizoram District sawm pakhat (11) chhunga RD Block sawmhnih pasarih (27), ICDS huam chhung khaw hrang hrangahte kalpui tura ruahman a ni a. Project hnuaiah hian hmeichhe naupangte chu Post Office leh State Bank of India kaltlangin account hawnsak theih an ni.