1549/2026-2027

Siaha the 29th July 2026: Pu K Lalthawmmawia, IAS, Electoral Roll Observer for Siaha District (39-Saiha leh 40-Palak AC) leh Commissioner & Secretary, School Education and Sports & Youth Services ni bawk hovin vawiin khan DRRC Hall, DRDO ,Siaha-ah Special Intensive Revision (SIR) kalpui dan enletna leh sawihona thutkhawm neih a ni.

Pu K Lalthawmmawia chuan Democracy ramah chuan electoral roll thianghlim leh felfai neih a pawimawh hle a, Election Commission of India (ECI) pawhin a ngai pawimawh hle tiin e- Roll a thianghlim a, a hrisel theih nan kumtin Summary Revision neih thin a ni a, kumtluanin continuous updation neih thin ni bawkin kum 20 danah Roll pumpui Dinthar/ Siamthat lehna Intensive Summary Revision neih thin a ni a ti. India khua leh tui dik tak, Kum 18 tling tawhte hmaih nei hauh lova roll a thun a, paih ngaite paih chu ECI thupui ber a ni a ti. Tuna Hearing neih mekah draft roll a discrepancy lutte dik leh felfai taka thenfai a nih theih nan NGO leh Political Party te an pawimawh a, diklo taka roll a luh tumte veng a, lut tur dik takte chu an dikna chanvo humhalh sak turin a chah. Political party-te chu chahin tuna hearing kalpui mek chu mahni party bil hamthatna ngaituah hun a nilova, Ram leh hnam hum nan theihtawp chhuah hun a ni tiin final roll tarchhuah a nih thlenga theihtawp chhuahpui turin a ngen bawk a ni.

Vawiin hun hi Deputy District Election Officer, Pu Abraham Beirazi Khithie, ERO 39-Saiha (ST) ni bawk kaihhruaina hnuaiah hman a ni a, Election Officer Pu Vabeimozachhi Chozah chuan SIR kalpui meka hriattur pawimawhte leh hmachhawp an neih te PowerPoint presentation hmangin report a pe bawk. ERO te, Political party aiawhte, BLA, BLO tthenkhat te bakah MTP leh MSO aiawhte an tel a ni.