Champhai South bialtu MLA Pu JH Rothuama'n Model Village atan a thlan Ruantlanga hmalak dan tur ngaihtuahin vawiin khan DRDA Project Director Pu CC Lalchuangkima hovin BDO Office-ah Line Department hrang hrang leh VC member-te an thukhawm.

Model Village Ruantlang atana Special Project kalpui dan tur sawihona ah hian inthiarna tha siam chungchang te, tui dahkhawlna leh ruahtui khawlna tha tak siam leh in tinin tui connection an neih vek theih nan a hmalak dan tur leh Food Security kalpui dan tur te sawiho a ni a. Ruantlang chu Model Village a nih angin chhungkaw tin an intodelh a, eizawnna tha an neih theih nan a tan lak pui a, BPL chhungkua awm lohna khua a siam dan tur te sawiho a ni.

Vawiin meeting-ah hian DRDA leh DC office bakah Line Department hrang hrang - Education Department, Health Department, PHE Department, PWD, AH& Vety Department, UDPA, Civil & Supplies Department, Social Welfare Department atanga Official-te bakah Village Council Member-te an kal kim hle a ni.

Attachment

  • Loading attachment...