Chief Minister Pu Lal Thanhawla hmalakna in vawiin ni 17.9.2013 khan Comprehensive Rubber Based Settlement Project buatsaihna turin, Pu K.G. Mohanan, Addl. Rubber Production Commissioner (Retd.), Trivandrum, Kerala (Consultant) leh Mizoram Sawrkar (Soil & Water Conservation Department) chuan Memorandum of Understanding (MoU) an sign fel ta a. Sawrkar Flagship Programme NLUP sum hmangin he Project hi buatsaih a ni a, MoU signed atanga thla thum chhungin Project hi peihfel tura duan a ni. DPR buatsaih fel veleh a funding source tur zawn nghal a ni dawn a, a tul dan angin World Bank assistance pawh beisei a ni. Kum tin 2500 ha. vel a bul tan chhovin, kum 20 chhung chuan 50,000 ha. tih zawh vek tum a ni. MIRSAC hmangin Mizoram chhunga Rubber chin theihna tur hmun zau zawng hi buatsaih (mapping) mek a ni.

Rubber tha leh dik phun tur kan intodelh theihna turin, Soil & Water Conservation Department chuan kum 2010 atang khan NLUP sum hmangin Budwood Nursery leh Seedling Nursery hmun 6-ah a buatsaih tan a, 2014 hian engemaw zat chu tihchhuah tan theih beisei a ni. Tun dinhmunah NLUP hnuaiah Rubber trade thlang hi chhungkaw 1448 in hma an la mek a, heng beneficiaries te hi rubber chi tha RRIM 600 pek an ni.

NABARD loan hmangin heng nursery te hi tih changtlun lehzual tum mek a ni a, nursery thar hmun 4-ah siam belh tum a ni bawk.