DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/ruihhlo-do-kawngzawh-walkathon-serchhipah-neih-a-nip

RUIHHLO DO KAWNGZAWH (WALKATHON) SERCHHIPAH NEIH A NI

Dated Serchhip, the 24^th June 2026: Nasha Mukt Bharat Saptah (Drug-Free Week) hman mek pualin vawiin khan ruihhlo do kawngzawh (Walkathon) Serchhipah neih a ni.

Serchhip District NMBA Committee huaihawt kawngzawh hi Serchhip YMA Sub-Headquarters Vice President Pu Lalrammuana'n a kaihruai a. Serchhip Block Development Officer (BDO) Dr. Lalramdintluanga'n thu sawiin, ruihhlo chungchang leh thalaite fuihna thu a sawi.

Kawngzawh hi Serchhip Bazar Kawn atanga tanin, Leisekawt Field thleng zawh a ni a. He hunah hian Serchhip thalai rualte, khawtlang hruaitute leh Sawrkar Department hrang hranga thawkte an tel a ni.

Attachment