1146/2026-2027

Dated Aizawl, the 23^rd June, 2026 : Mizoram Board of School Education (MBSE) leh Performance Assessment, Review, and Analysis of Knowledge for Holistic Development (PARAKH), NCERT, New Delhi te hmalaknain June ni 22 leh 23, 2026 khan MBSE Office, Chaltlangah ni hnih awh tur Master Trainers’ Training on Holistic Progress Card (HPC) at Secondary Stage chu hlawhtling taka  neih  a ni.

He training programme hawnna hi HPC Nodal Officer, Pu F. Ricky Lalremruatpuia, Academic Officer in a kaihruai a. MBSE Secretary, Pi Sarah Lalengzami Pachuau-in kal khawmte lawmna thu sawiin, programme chanchin tlangpui a sawifiah a. He training-ah hian Resource Person atan PARAKH, NCERT atanga lo kal hman a ni a, a hnen atang hian PARAKH hmalakna hrang hrang leh he training pawimawhna te ngaihthlak a ni.

Programme hawnnaah hian Prof. Indrani Bhaduri, PARAKH NCERT CEO leh Head ni bawk hnen atangin thuchah ngaihthlak a ni a. Mizoramah HPC hlawhtling taka kalpui a nih theih nan Board te chu fuihna leh duhsakna a hlan.

A hawnna programme zawhah hian Resource Person kaihhruaina hnuaiah technical training session chhunzawm nghal a ni a. HPC secondary stage-a hriat tur pawimawh hrang hrangte inzirtirna leh practical training te neih a ni. He training-ah hian MBSE Officer-te, District Institute of Education and Training (DIETs) leh Institute of Advanced Studies in Education (IASE)-a zirtirtute chu Master Trainer ni turin training pek an ni.

He training programme hi MBSE in tun academic session a HPC pilot implement na atana inbuatsaihna a ni a, MBSE chuan an Affiliated sikul sawm (10)-ah HPC hi enchhinna (pilot implementation) nei turin inbuatsaihna a kalpui mek a ni.