1147/2026-2027

Dated Aizawl, the 24th June, 2026: Directorate of Women & Child Development chuan nu naupai te tana hamthatna dawn theihna scheme Pradhan Mantri Matru Vandana Yojana (PMMVY) a inziah luhna hun chu June 15 atanga July 15, 2026 thleng a hawng mek a. Nu naupai lai zawng zawng te chu Anganwadi Centre hnai ber a lo inziak lut ve theuh turin an sawm a ni.

PMMVY Scheme hnuaiah hian fa hmasa ber atan nu in Rs 5000 dawn theih niin, fa pahnihna hmeichhia nei te tan Rs 6000 nu hnenah Direct Benefit Transfer hmangin an bank account ah thunsak thin an ni.

PMMVY hnuai a hamthatna dawng tur hian nu te adhaar card leh passbook a ngai a, heng documents pahnih ah hian nu hming hi a inang tur a ni a, an adhaar card hi an phone number leh an passbook nen a in link ngei bawk tur a ni.

He scheme hnuaiah hian Directorate of Women and Child Development hian Kum 2025 – 2026 chhung in mi 5841 hnenah hamthatna hi an lo pe tawh a, a pawisa fai chuan ₹ 2,79,68,000 pek chhuah tawh a ni.