1148/2026-2027

Dated Aizawl, the 24th June 2026: Vawiin chawhma khan PHED Officer-te tan ni hnih awh tur Capacity Building Program chu Conference Hall, PHED E-in-C Office, Khatlaah a khuh hawnna neih a ni a. Bureau of Indian Standards (BIS) Guwahati Branch Office leh Food, Civil Supplies & Consumer Affairs (FCS&CA) Department te buatsaih a ni.

Capacity Building Program hi Mizoram PHED hnuaia Senior Executive Engineer leh a chunglam te tana ruahman niin, he program-ah hian mi 20 vel an tel thei a. Thupui (topics) pawimawh thlan bik 12 atangin BIS lama mithiam pahnih – Dr. Anuj Verma (Assistant Professor, RIMT) leh Dr. Murali Mohan (Senior Environmental Scientist, TSPC) ten PowerPoint presentation hmangin zirtirna an pe dawn a ni.

He hun hi Chief Secretary Chairman-na hnuaia Committee pawimawh tak pakhat – ‘State Level Standardisation Committee’ meeting hnuhnung ber a committee thuchhuak bawhzuina kal zel a ni a. BIS Guwahati mi leh sa te chuan hetiang ang Capacity Building Program hi Mizoram Sawrkar Department thlanchhuah bik te hnenah a tahtawla neih zel tum a nih thu sawiin, June 22, 2026 khan PWD Officer-te tan Capacity Building Program hi an lo buatsaih tawh bawk a ni.