Vawiin chawhnu dar 1:30 khan Champhai Mizoram Police, Champhai Sub-Headquarters YMA leh MZP te tangrual buatsaih ruihlo do beihpui, ‘Ruihlo Dotu Champhai’ tih bul tanna chu Govt. Champhai College Auditorium-ah neih a ni a. Champhai Superintendent of Police Pu Brijendra Kumar Yadav, IPS chuan zirlai kalkhawmte chu ruitheihthilin taksa leh hriatna thazam a tihchhiat dan Powerpoint Presentation hmangin a entir.

Champhai SP Pu Brijendra Kumar Yadav, IPS chuan zirlai kalkhawmte chu ruihloin mihring taksa leh hriatna thazam a tihchhiat theih dan chipchiar takin a lem nen a entir a. Thalai hmalam hun eng tak nei, ruihlo avanga nun hrehawm taka hmang leh thihna hial tawkte hmangin zirlai kalkhawmte chu ruihlo thatloh zia a zirtir a ni.

‘Ruihlo Dotu Champhai’ bul tanna ah hian Govt. Champhai College Principal Pu Lalnunmawia, Grace Receiver Home Director Pu Hmingthanzauva leh Sub-Headquarters YMA Vice President Pu F. Lalrinmuana ten thuchah an sawi a. Additional SP Pu V.L. Lura Hauzel, MPS in lawmthu sawiin hun a khar a ni.

Attachment

  • Loading attachment...