Vawiin (28.09.2016) chhun dar 12 khan Lawngtlai DC Conference Hall-ah DRDA Project Director Pu H.Dolianbuaia hovin Lawngtlaia Faina Hapta 2016 hman dan tur rel a ni.

Kumin Faina Hapta (Swachh Bharat Cleanliness Week) hi October ni 1-7 chhung hman tur a ni a. Lawngtlaiah chuan a hawnna hi October ni 1, 2016 zing dar 7-ah Lawngtlai Bazar Venga Areopagy hmunah hman ni se, tih a ni. He hunah hian Lawngtlaia state leh LADC hnuaia Office hrang hrang hotu lute chu kim vek ni se, kal thei lote paw'n ai awh tirh ni se tiin, kal leh kal lo inchhinchhiah vek tura rel a ni a. Hei bakah hian NGO hrang hrang leh sikul naupangte pawh tel tura beisei an ni. Heta kal khawmte hian bawlhhlawh chhar faiin khawlai dung an suar tluan nghal ang.

Vawiin meeting-ah hian Faina Hapta hman tura chanvo hrang hrang nei turte ruat nghal an ni a. Faina Hapta hman chhung hian office, zirna in leh veng fai thlan chhuah a, lawmman pek leh ni se tih niin, a enfiah tur te pawh ruat nghal an ni a. Anni hian October ni 5-ah endik a, ni 6-ah result theh lut tura tih an ni. He Hapta pual hian Middle School leh High School naupangte tan lem inziahsiak (painting cometition) leh, Higher Secondary School leh College zirlaite tan thu inziahsiak (essay writing competition) buatsaih tum a ni bawk.

Faina Hapta hman chhung hian VC leh YLA kal tlangin mipuiteah a tam thei ang bera faina pawimawhzia zirtir leh puanzar ni se, tih a ni a. VC huaihawtin veng tinin faina hnatlangpui nei se, tih a ni bawk.

Vawiinah hian October ni 7-a Faina Hapta kharna hun hman dan tur pawh rel nghal a ni.