Industries Department chuan vawiin khan Venglai YMA Hall, Kawnpui-ah Tuirial cluster a NLUP 3rd& 4th Phase hnuaia Puanthui thlangtu mi 20 NLUP 3rd Phase hnuaia Photography thlangtu mi 17 leh Desktop Publishing thlangtu mi 2 hnenah 2nd Installment an sem a, Pu Hmingdailova Khiangte, Parliamentary Secretary chu khuallian niin NLUP tanpuina hi a semchhuak a ni.

Puanthui thlangtu te hnenah hian khawl pathum :Ke khawl, Overlock machine, jenome sewing machine leh a pawisa faiin Rs.21,480/- theuh sem a ni a, tanpuina sum sem chhuah zawng zawng hi Rs.429,600/- a ni. NLUP dawngtu te hi 3rd Phase-ah mi 12 leh 4th Phase-ah mi 8 an ni.NLUP sem bakah hian jenome sewing machine (embroidery machine) hmandan leh enkawl dan tur Company mithiamten beneficiary te hi an zirtir nghal a ni .

Photography thlangtu te hnenah hian Rs.50,000/- theuh sem a ni a. He pawisa hi Laser Photo Copier (Scanner Support) leina atana pek a ni a. Desktop Publishing bik hi 3rd Phase 2nd& Final Installment niin, Rs. 50,000/- theuh sem niin, Camera & Accessories lei nan Rs.45,000/- leh bul tanna atan Rs.5000/- pek an ni.