Vawiin ni 26th June, 2012 hian Chhim Veng YMA Hall, Mamit-ah Ruihhlo hmansual leh tawlhruk Dona Ni (International Day Against Drug Abuse and Illicit Trafficking 2012) chu urhsun takin hman a ni.
He hun hmanpuitu Pu Rodney L. Ralte, IAS, District Bawrhsap chuan Ruihhlo ngaihna hi natna khirhkhan zet mai, mahni tan mai nilo, chhungkua, khawtlang,ram leh hnam tan a pawi a ni a ti a. chumi piah lamah chuan chhhungtinte tan retheihna, nun tlakchhiatna, tlakranna thlentu leh thihna hial pawh thlentu a ni tiin hemi laka fihlim turin zirlai leh tlawmngai pawl members zawng zawng te a sawm a ni. District bawhsap chuan tun dinhmun a ruihhlo bawiha tang mek te hi endawng mai lova, theih ang anga tanpui hi mitinte mawh anih thu sawiin ruihhlo tawlhrukna kawngah pawh nasa leh zuala tan la turin kalkhawmte a chah bawk. Pu Lalthianghlima, Superintendent of Excise, Mamit leh Dr.Hrangkapzawna, Medical Officer, Mamit pawhin Ruihhlo that lohzia leh a zuarte man chhuahna kawnga hmalak a tul thu leh Ruihhloin mihring taka a chhiatna a thlen dante an sawi bawk a ni.
Tun dinhmunah hian mamit District pumah ruihhlongai mi 448 an awm thu leh Mamit khawpuiah 138 an awm thu tarlan a ni bawk.
Inkhawm, Pu P.C. Lalthianghlima kaihhruaiah hian Pu Micky Lalenkawla, SDEO in Keynote Address a sawi a ni.
He hunah hian zirtirtu, zirlai leh tlawmngai pawl hrang hrang hruaitute leh mithahnem tan an tel a ni.
