Mizoram Excise & Narcotics Department (END), Anti-Narcotics Squad te chuan nimin (23rd July, 2014) tlai dar 4:20 khan Heroin (No.4) gram 47 chu Zemabawk (Lunglei Road)-ah an man.

Mizoram Excise & Narcotics Department (END), Anti-Narcotics Squad te hi an Heroin kengtu, Thanliandinga (21) s/o Laithanthianga, Vaikhawtlang, Champhai District, (tuna Champhai Bethel venga khawsa mek inti) chu an man bawk. Heroin te hi sahbawn bawm 2 leh plastic um 2-ah dah a ni. Thanliandinga hian heng Heroin te hi Zokhawthar atanga a rawn ken thlak, Aizawl-a pek tur niin a sawi. Thanliandinga hi Section 21(b) of the Narcotics Drugs & Psychotropic Substances Act, 1985 (NDPSAct) hmangin thubuai siamsak a ni a, Central Jail-ah dahluh nghal a ni.

Nimin (23rd July, 2013) zan dar 9:00 khan DC(G) Border Security Force (BSF), Lunglei te report bawhzuiin Mizoram Excise & Narcotics Department leh BSF te Joint Operation chuan Vairengte Zalen Veng-ah Drugs nia rinhlelh chu man tumin hma an la a. Drugs ni lovin Bomb tihpuahna (Detonators) a lo ni zawk a. Lianzuali (51) d/o Dengchhunga (L), Zalen Veng, Vairengte hnen atangin Detonator 10,400 an man chhuak a. An thil man leh a neitu hi Vairengte Police Station-ah an hlan nghal a ni.