Mizoram Excise & Narcotics Department-a Anti-Narcotics Squad te chuan ruihhlo an man.

Anti-Narcotics Squad te chuan 5th November, 2014 (Nilaini) zan dar 6:30-ah khan Rangvamual-ah Heroin gram 12.5 chu Lalnii aka Nitiali (45), d/o Kapluaithanga (L) Zokhawthar, Champhai District nia inchhal hnen atangin ah man.

Anti-Narcotics Squad te hian 7th November, 2014 (Zirtawpni) zing dar 9:15 khan Phunchawng Mel 10-ah Parvon Spas capsule 2000 an man. Heng Parvon Spas te hi Original Strip-a dah an ni a, box 10 an ni. Assam atanga Parvon Spas rawn phur luttute - Raju Ahmed (21) s/o Sale Ahmed (L), Premtola, Silchar; Moynul Ahmed (25) s/o Khaled Ahmed, Premtola, Silchar; leh Nizam Uddin (23) s/o Abdul Rouf, Badarpur, Karimganj District, Assam te chu man an ni a; an damdawi phurhna Maruti Alto Car (Regn No AS 10 A/7134) pawh hrensak an ni.

Heroin neitu leh Parvon Spas neitute hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

Parvon Spas leh Spasmo Proxyvon te hian ruihtheih thil Dextroproproxyphene an ken tel avangin NDPS Act hnuaiah thubuai siam thin a ni a. 17th June, 2013 khan Additional District and Sessions Judge, Lunglei chuan Mizoram Excise & Narcotics Department case, hetiang thubuaia puh mi pakhat chu thiamloh chantirin kum 10 chhung Jail-a tang tur leh Rs. 1,00,000/- (Nuai khat) chawi turin a ti a. He thu hi Guwahati High Court (Mizoram Bench-ah) appeal-in High Court chuan Addnl. District and Session Judge thutlukna chu 1st October, 2014 khan a pawmpui a ni.