Mizoram Excise & Narcotics Department (END), Anti-Narcotics Squad te chuan hmun thumah heroin an man.
Mizoram Excise & Narcotics Department (END), Anti-Narcotics Squad te chuan ni 22 November, 2014 (Inrinni) zan dar 7:00 khan Zemabawk Forest Check Gate bulah heroin 28 grams leh a neitu Lallawmpuia (28) s/o Kapngenga, Tahan, Sanmyo, Myanmar nia inchhal chu an man a. Ni 22 November, 2014 (Inrinni) zan dar 7:30 khan heroin 15 grams leh a neitu - Paukapluni (52) d/o Tunzadal (L), Darkhai, Myanmar nia inchhal chu an man bawk.
Anti-Narcotics Squad te hian ni 24 November, 2014 (vawiin) chawhma dar 10:20 khan Bung Bangalow, Bamboo Road-ah heroin gram 63 leh a neitu nia puh mi pahnih Lalduhkimi (40) d/o Zatluanga, North Vanlaiphai, tuna Bung Bangalow a, Bamboo Road a khawsa mek leh Lalrengthangi (45) d/o Hrangthanpiana, Tiau (Khawmawi) Myanmar tuna Champhai Vengthlanga khawsa mek nia inchhalte chu an man tel bawk.
Anti-Narcotics Squad ten heroin an man zawng zawng hi gram 106 a ni a. Heroin neitu nia puhte hi The Narcotics Drugs & Psychotropic Substances Act 1985 (NDPS Act) hnuaiah thubuai siamsak an ni.
