No.985/2021-2022
Aizawl the 15th June, 2021: Health & Family Welfare Department chuan a hnuai a mi ang hian ruihhlo ngai, COVID-19 hrikaite enkawl dan tur ruahmanna a siam a. He hriattirna (No.D.33011/39/2021-HFW(SOP)/Pt.3 Dt.14th June, 2021) hi tihchhuah a nih atanga thu leh awm hma chuan hman tur a ni.
RUIHHLO NGAI COVID-19 POSITIVE BAWK SI TE ENKAWL DAN TUR
General Criteria
1. Ruihhlo ngai te tan bik chauh he kaihruaina hi hman tur a ni
2. Ruihhlo ngawl a vei ngei tih hi MBBS doctor in ICD-10 or DSM 5 criteria (entirnan ruihhlo ngai, alo a awm theilo, ruihhlo nghei avanga taksa a harsatna chi hrang hrang, thil dang aia ruihhlo ngaih pawimawh, mahni inthunun zo lo khawp a hmang leh taksa chhiat pui theihna khawp a hmang, etc.) behchhanin a finfiah ngei tur a ni.
3. Natna kha an hriat chhuah dan tur chu an history lakna atangin emaw mi rintlak tak hnen atangin hriat an tum tur a ni a. ( personal interview, telephone atang ten an damdawi tih thin leh an dose tih zat te, leh an nat chungchanga hriattur pawimawh dang te hi an mahni enkawlnan a pawimawh a ni)
4. Damlo History-ah chuan hengte hi:
a) Eng ang ruihhlo nge a hman
b) Ruihhlo an tih hnuhnun ber
c) Chawhruala a ruihhlo mamawh dan tlangpui
d) Damlo khan OST a la nge la lo
e) Natna benvawn dang a nei em
5. Centre a rawn luh atangin ruihhlo tih hi a tawp nghal vek tur a ni.
6. MBBS Doctor kaihhruaina hnuaiah qualified nurse in damlo chu enkawl tur niin MBBS Doctor chuan damlo rilru, taksa leh ngaihtuahna te ngaihtuah chungin hrethiam taka enkawl a ngai a ni.
7. Damlo kha hmun changtlung zawka thawn a ngai a ni tih kan hriat theih dan tur chu hengte hi a ni:
a) Damlo kha a taksa a chauh a a chak loh telh telh in
b) Damlo kha a buai a midang leh ama tan pawh a hlauhawm taka a awmin
c) A natna benvawn loh neihsa tawh nen a dinhmun han en pawh a Covid Care Centre in a buaipui theih bak chin a thleng tawh ni a ngaihin.
PHARMACOLOGICAL DETOXIFICATION (Ngawlvei damdawi hmanga nghei tir dan)
1. Zu Ngawlvei te enkawl dan tur:
i. Zu in mi chu Centre a luh hnu chuan Zu a nghei a ngai si a, Zu mamawh tawh lova a awm dawn chuan chawhruala nitin a in thin atangin a damdawi ei tur chhut chhuah ngai dawn a ni. Entirnan a nitin dose kha Local 500 ml emaw Sap Zu Um khat emaw anih chua, a taksa a nghawng dan ngaihtuah chungin a hnuai mi ang damdawi hi pek ni se:
Lorazepam 2 mg/ Chlordiazepoxide 10 mg/ Clonazepam 0.5 mg tablet te hi nikhatah vawi thum pek ni se, i.e. zingah mum hnih (2), chhunah mum hnih (2) leh zanah mum thum (3) pek tur a ni a. A dose ni sarih atanga ni sawm chhungin (7-10 days) nitin emaw nikhat kar danah emaw zawi zawi a tihhniam tur a ni.
ii. Nithum chhung chu Thiamine 100 mg (B1 – e.g. Beplex Forte) pek tur niin hei pawh hi a dose tihniam a 10 mg in thlakhat chhung chu Thiamine hi pek chhunzawm tur a ni.
iii. Ruihtheih thil ti chu a awm hle hle theilo emaw a mu theilo emaw a kaih emaw anih chuan Inj. Diazepam 1 ampoule iv or Inj. Lorazepam 1 ampoule iv/im in chiu tur a ni.
iv. Damlo chu a rilru a buaia emaw a, a bawraw tan emaw anih chuan Inj. Haloperidol and Inj. Promethazine 1 ampoule a chiu tur a ni.
v. Damlo chu a natna a zir leh a mamawh dan azirin enkawlna pek tur a ni.
2. Opioid use disorders (Heroin-No 4)
i. Herion-No 4 ti in a nghei dan tur chu a nitin dose chawrual atang khan chhut tur a ni, entirnan a nitin dose kha 3 caps (insulin syringe cap), ruihhlo in a thinlet dan tur ngaihtuah chungin a hnuai mi te hi pek tur a ni:
Tramadol tablet 100 mg hi nitin vawithum, i.e. zingah mum hnih, chhunah mum hnih leh zanah mum thum pek tan ni se, a dose hi nitin emaw nikhat kar danah emaw tihniam hret hretin nisarih atanga ni sawm (7-10 days) chhungin tihtawp tur a ni. Hemi hnu hian a la thinglet cheu a nih chuan ni thum atanga ni nga dang (3-5 days) pek chhunzawm tur a ni.
ii. Nitrazepam 10 mg/Lorazepam 2 mg/Zolpidem 10 mg mum hi damlo zanah a mut theihloh chuan pek mai tur a ni.
iii. Inj Haloperidol leh Inj Promethazine 1ampule IM, damlo chu a buai emaw bawrawna a lo lanchhuah chuan chiu mai tur a ni.
iv. Damlo chu a natna a zir leh a mamawh dan azirin enkawlna pek tur a ni.
3. Multiple Substance Use Disorder (ruihhlo chi khat aia tam hmangte):
An taksa a damdawi hnathawh leh tihbo dan tur chu a hma a mi point No II (1) leh (2) na hi hman mai tur a ni.
FOLLOW UP
1. Damlo chu CCC atanga a lo chhuah hnuah Psychiatry OPDs/DMHP OPDs- district khawpui hrang hrangah in entir leh tura thurawn pek tur a ni.
2. Damlo leh an mahni enkawltu te chuan Psychiatrists, Clinical Psychologist leh DMHP Mental health Professionals te hi State helpline 102 (toll free) hmangin a tul chuan an bia in an thurawn an la thei ang.
