1298/2022-2023

Aizawl the 20th July, 2022: Chief Minister Pu Zoramthanga chuan thalaite chu hlawhtlinna kawng an zawh naah hmasawnna tithuanawp thei ruihtheihthil laka filhim turin a chah. He thu hi Govt. Aizawl North College Freshers' Social cum Falicitation program, Electric Veng YMA Hall-a buatsaih a hmanpui naah a sawi a ni.


Chief Minister chuan zirlai tharte lawmna leh zirlai hlawhtlinna changte lawmna hun hmanna a telpui thei chu lawmawm tiin, zirlaite chu anmahni leh an chenpuite, khawtlang leh ram tan mi chhenfakawm ni tur chuan nun uluk a, ruihhlo chi hrang hrang laka fihlim a pawimawh thu a hrilh a. Sawrkar in sum tam tak sengin ngawlvei hrang hrang enkawlna hmunhma te a ruahhman țhin te, NGO, kohhran leh khawvel huap pawha sum leh tha tam tak senga ruihhlo vanga kan buaina te hi keimahni theuhin ruihhlo kan tih loh theuh mai hian buaina kan insiam lo mai zel a nih thu a sawi. Chief Minister chuan tumruhna leh chhelna nei tan ngam loh a awm loh thu sawiin, mahni inthunun tur chuan tumruhna nasa tak nei turin kalkhawmte a chah a ni.

He programme-ah hian an zirlai atanga MZU rank holder pali te hnenah lawmpuina hlan niin, khuallina Chief Minister hian a hlan a ni. Prof. S. Haukhanlian Mate, GANC Principal pawhin thu sawiin zirlai tharte chu zirlai an nih laiin hun hlimawm hmanga zirlaiah theihtawp chhuah turin a fuih a. Students' Union hruaitute atangin thusawi ngaihthlak a ni bawk.

Attachment

  • Loading attachment...