1089//2023-2024

Lunglei the 11th July'2023: Vawiin khan Pu Beihmotaosa, MPS , Addl. Superintendent of Police, Lunglei chuan ama office chamber ah ruihhlo hluar avanga rukruk tam lutuk chungchangah mipui te kan lo fimkhur nan thuthar thehdarhtute a kawm.

He hunah hian Addl. SP chuan tunhnai atang khan Lunglei khawpui ah rukruk a hluar tih sawiin Pathianni liamta dt 9.7.2023 khan Lunglei Police Station ah Pu R. Laltanpuia of Sethlun, Lunglei chuan FIR thehlutin Pathianni (9.7.2023) dar 10:00 am leh 12:30 pm inkara an inkhawm hlanin an in kawngkhar chu misual tu tih hriat loh chuan kar chhia in an wardrobe chhunga BCM Sethlun kohhran pawisa leh an chhungkaw pawisa Rs 2,70,000/- ruk chhuah niin a ziak a, Lunglei Police te chuan hma la nghalin darkar 24 chhungin Sethlun VDP te nen tangrualin C. Lalawmpuia chu thuzawhfiah anih hnuah ni 10.7.2023 chhun dar 12:30 khan a in puang ta a ni a ti. Pawisa rukchhuah atang hian Rs 2,68,095/- hmuh let leh niin hetianga rangtaka rukru chhuichhuah a ni hi lawmawm an tih thu leh VDP te nen thawhhona zar a niin mitin te rukruk laka kan him theih nan CCTV dah uar tur te,chhungkaw tin ten kawngkapui kalhna tha tak neih a tul bakah tukverh leh ventilation ah bar vuah vek thei se a ti a, kohhran, NGO leh mimal ten pawisa tam tham tak in a kawl loh a him a ni tiin Pathianni a inkhawm laiin rukru an chet thin avangin fimkhur zual a ngai a ni a ti a. Thil ruk leh a leitu leh a ru tu hi hremna in ang reng pek theih a nih avangin thil ruk ni ngei a rinhlelh chu leilo turin mitin te a ngen a ni.

Lunglei Addl. SP in thuthar thehdarhtute a kawmnaah hian SDPO Pi Zomuanpuii bakah Lunglei Police Station O.C leh 2nd O.C ten an tawiawm a ni.