1090//2023-2024

Dated the 11th July, 2023: Vawiin khan Serchhip-ah District Level Standing Committee on Rationalization of Polling Station chu District Bawrhsap Pi Nazuk Kumar, IAS hova thukhawmin Polling Station siamrem leh Polling Station hmun sawn ngai chungchanga rawtna lut te an thlirho.

He thutkhawm Serchhip DC Meeting Hall-a neih ah hian District Bawrhsap chuan District Level Standing Committee on Rationalization of Polling Station-ah hian Polling Station siam belh ngai te, Polling Station hmunhma sawn ngai leh mipui ten awlsam zawka Vote thlakna hmun an pan theihna tura siamrem ngai te siamrem thin a nih thu a sawi a. Tun tumah hian 26-Serchhip (ST) AC huamchhunga 21-Serchhip-XI Polling Station atana hman lai, Little Flower Convent School (South Wing) chu Govt. Higher Secondary School building-a sawn tura rawtna a awm thu sawiin, hemi chungchang hi ngaihtuah a ni.

He thutkhawm ah hian he Polling Station-a BLO leh Political Party hrang hrang aiawh kalte chuan an ngaihdan te an sawi a, tunah hian Building pakhat ah Polling Station pahnih a awm avanga Vote thlak tura kal ten harsatna an neih thin dan te sawilan a ni bawk a. Serchhip Election Officer Pu Lalrinsanga Hnamte chuan he Polling Station building sawnna tura an rawt Govt. Higher Secondary School hi enfiah a nih tawh thu sawiin, Building tha tak a nih bakah Wheelchair hmang duh te tan ramp siamsa a nih thu te, Polling Station atana mamawh hrang hrangte a awm that thu leh mipuite tan lirthei-a kalpawh theih niin Vote thlaka kal turte tan hmunhma tha tak a awm thu te pawh a sawi bawk. He huna tel te hian Polling Station hmun hi sawn tha tiin hemi ang hian thuneitu sang ah thlen leh tur a ni ang.

He huna tel te hian rawtna awmsa baka Polling Station siamrem ngai nia an hriat te leh Polling Station pakhat-a Voters tam deuh te chungchang pawh he huna kalkhawm te hian an sawiho a, rawtna siam duhte tan thehluh theih a nih thu kalkhawmte chu hriattir niin, tun thla ni 19 thleng rawtna hi thehluh theih a nih thu in hriattir a ni bawk.