No.7140/2020-2021

Vawiin khan R.D Minister Pu. Lalruatkima'n Tlangnuam BDO Office staff leh Tlangnuam Block chhunga Village Council 13 te Pathian hnena inhlantharna BDO Conference Hall ah a hmanpui.

Minister Pu Lalruatkima chuan Office thawktute leh VC member te kumthar chibai bukin, inhlanna hun a department chan te in hman nachang an hria chu lawmawm tiin, kumthat kumah puang thei turin duhsakna a hlan bawk. COVID-19 hripui leng chungchangah Sorkar, Kohhran leh VLTF thawhhona avangin Mizoram ah COVID-19 vei tlemna state kan ni a, kan society hi 'disciplined society' kan ni tiin a sawi. VC tepawh sorkar programme hrang hrang PMAY, NGREGS leh a dang tamtak tihlawhtlingtu tur te an ni tiin, ram chungchangah VC te tello chuan Land Revenue and Settlement Department pawh a kal theihloh thu leh an pawmpuina mil a sorkar in thuthlukna siam thin anih avangin fimkhur zual zel turin a fuih bawk. Ni 100 inhlawhna in khawtlangah hmasawnna tamtak a thlen tawh bakah ei leh bar, sumdawnna lamah hlawkna nei thei tura hman tangkai dan ngaihtuah thiam a tul dawn tih a sawi bawk. Nikum lama ni 100 inhlawhna siam thin kha  ni 120 a pawhsei sak a nih thu sawiin, PMKSY thlakna tur pawh Central sawrkar in a ngaihtuah mek a, COVID-19 vanga delay anih thu a sawi. Khaw hrang hrang a Community Hall tha zawk neih chungchanga mipuite harsatna  hotuten hriain theihtawp an chhuah thu a sawi bawk.

Minister chuan Office officer te, staff te chu sawrkar hnathawktu annih anga tihtur leh tihlohtur an nei tiin, hriatloh inzawh hrehlo tur te, office a inzahtawn thiam a that thu te, office dawrtute lo dawnsawn dan thiam te, file pending te ching lova, social media a thudiklo thehdarh laka fimkhur turtein a chah bawk ani.

Lengpui VCP Pu Lawmthanga pawhin thusawina hun tawi hmangin VC te chu mipui te tana rawngbawltu annih anga Rural Development Department leh VC te chu inlungrual leh thawk ho zel tur an nih thu te a sawi. Ni 100 inhlawhna ah sawrkar in hma nasa taka a lak avangin lawmthu a sawi bawk a ni.

He inhlantharna hi Pi Josephine Zonunsangi, BDO Tlangnuam block in kaihruaiin, Lt. Col. Lalliankunga'n hunserh hmangin he hun hi Pathian hnenah a hlan a ni.