2311/2022-2023
Aizawl, 14th October, 2022 : Rural Development Minister Pu Lalruatkima chuan vawiin khan Melriat khuaah Futsal khelmual a hawng. Rural Development Minister hi bialtu MLA Prof F. Lalnunmawia, Horticulture Development Board Vice-Chairman ni bawk chuan a tawiawm a, Rural Development Secretary Pu R. Zarzosanga, Jt. Secretary Pi Irene Zohlimpuii Chongthu, Director Pu R. Lalthazuala, Pi H. Lalchhandami, CEO MzSRLM leh official pawimawh dangten an tawiawm a ni.

He Futsal Ground hi SPMRM (Rurban) Scheme leh MGNREGS tangkawpin cheng nuai 20 (15+5) senga sak niin, implementating agency chu BDO, Aibawk RD Block a ni a. A dung 118 ft, a vang 62 ft niin, October ni 11, 2011 khan sak tan a ni a, January ni 27, 2022 khan sak zawh a ni. A chhuat hi cement slab chhun niin uluk taka zut mam a ni a, zan lam thleng pawha khelh theih turin Light System-a thuam a ni bawk.