1198/2026-2027

Dated Aizawl, the 25th June 2026: Vawiin chawhnu khan Rural Development & Administration Department (RD&AD) Minister Prof. Lalnilawma hovin Chite Vengah leh Mission Vengthlangah te VC Khualbuk sakna tur hmunhma enfiah a ni a. Minister hi All Mizoram Village Council Association (AMVCA) hruaitute leh LAD Official ten an tawiawm a ni.

Minister chuan hmun hla tak tak atanga Village Council hruaitute Aizawlah hna pawimawh thawka an lo kal changin thlenna tur hmun an nei lo chu fel lo a tih thu a sawi a. An harsatnate sukiang turin sawrkar chuan theih tawp chhuahpui a tum thu sawiin, VC Khualbuk chu puitlin theih a nih chuan thil hlu leh ro tling a nih ngei a rin thu a sawi bawk.

AMVCA hruaitute pawhin VC Khualbuk ngaihtuahpuitu, Minister leh Sawrkar hnathawkte chungah lawmthu an sawi a. A tul dan anga tanpui zel turin an ngen bawk a ni.