2444/2025-2026

Thenzawl, the 28th November, 2025 : Rural Development Minister Prof Lalnilawma’n Thenzawl Zone Football Association buatsaih “Lothazawl Diak Thlahna Inkhelhpui” kharna hun chu khuallian niin a hmanpui.

Prof. Lalnilawma chuan thu sawiin Thenzawl Zone Football Association hmalakna fakin hlawhtling taka tournament an buatsaih thei chu a lawmpui a. Tunlai thalai te zinga ruihhlo hluar zia sawiin sawrkar, tlawmngai pawl leh kohhranten nasa takin an buaipui a. “Infiamna hmang hian ruihhlo bawiha tang te a chhan chhuah theih avangin kan thiante zinga ruihhlo ti thin te chu inkhelhpuiah i sawm thin ang u”, tiin kalkhawmte a fuih. Nakin lawka kan ram hruaitu la ni tur, kan thalaite an hrisel chuan kan ram a hrisel a ni, Minister chuan a ti bawk.

Senior team ten final match an khelh tan hma in kharna inkhawm tawi hi buatsaih a ní a, Pu Liantluanga Renthlei, President, Thenzawl Zone FA-in a kaihruai a. Pu RLC Lalrinfela, Jt. Secretary chuan technical report a pe bawk.

Tournament hi November ni 14 atang khan tan niin team 51 an chhuak a, category hrang paruk (6): Under-10, Under-13, Under-15, Veteran, Women leh Senior category-ah te khelh niin team 51 an chhuak a ni.

Category tina champion te chu:-

Under -10: Vengthlang

Under 13:  Field Veng

Under 15: Field Veng

Veteran: Vengthar

Women: Bazar Branch.

Senior: Bazar Branch an champion a ni.