2443/2025-2026

28th November, 2025 : Vawiin khan Ni 2 chhung awh State Level Children's Science Congress vawi 33 na chu zawh fel a ni a. Science Teachers Association Mizoram leh Samagra Shiksha Mizoram ten an buatsaih Science inkhawmpuiah hian child scientist ten an zirbing na Science project 47 presentation an pe a ni. Science Congress-ah hian thupuiah  "Science for Sustainable Development and Community Well- being" tih  hman a ni a. 

School Education Department Directorate Conference hall-a Science inkhawmpui neihah hian Pachhunga University College a zirtirtute -Dr. Lalrinthara Pachuau, Dr. K. Vanlaldinpuia leh Dr. Albana L. Chawngthu ten Science project te an endik a. Project tha sawm(top 10)thlan te:

Junior category:

1. H. Lalhmingmawii, Govt Middle School- II, Khawzawl Vengthar

2. Lalmalsawmi, Kids Care School, Aizawl. 

3. Stephan Ramdinmawia, Govt Middle School, Tualte, Khawzawl District

Senior category:

1. C. Lalhruaitluangi, HT High School, Kolasib. 

2. Sophia Lalthazami, St. Paul's HSS, Aizawl. 

3. Wendy Lalpekhlui, Synod HSS, Aizawl. 

4. Vanlalringzuala, Buhban Secondary School, Saitual District. 

5. Rachel  T. Liansangpuii, Marian High School, Serchhip. 

6. Lalmuanawma, Govt Mizo Higher Secondary School. 

7. Lawmsangzuala Khiangte, Govt Saitual High School. Saitual. 

8. Bethany Lalrinfeli, Model High School, Khawzawl. 

9. Lalvensangi, St. Paul's HSS, Aizawl. 

10. Lalchhanchhuaha , Govt Electric Veng HS, Lunglei. 

11. Azumi Lalrinawmi, CLS Academy, Aizawl. 

Pu C. Lalthanzira, State Project Director, Samagra Shiksha chuan Science inkhawmpui hi a hmanpui a. Thusawiin child scientist te an vanneih thu hrilhin heng an remchanna an neihte hi zirna kawnga hmasawn nan hmang turin a chah a, heng science activities a an telna hian inrintawkna a pe tih sawiin tel zel tur in a chah a. Tunlai hunah chhel a pawimawh tih sawiin zirlaite chu rilru paukhauh nei turin a fuih a, zirlaite rilru hrisel nan life skill zirtir turin guide teacher te a chah bawk. 

Vawiin tlaia Science Inkhawmpui kharna hi Dr. R. Lalengmawia, STAM President in a kaihruai a, STAM dintirh atanga ngaihpawimawh ber chu science leh mathematics zirna tih hmasawn a nih thu a sawi. Children Science Congress  State Academic Committee Secretary Tv. Emmanuel Vanlalhriatpuia'n report a pe a, District 11 atangin Science project 47 pho chhuah a ni a, child scientist mipa 36 leh hmeichhia 54 an tel a ni.  Pu Zothanliana, General Secretary,  in STAM hmalakna report pe in lawmthu a sawi a, he science inkhawmpui hi a tiak a ni.