415/2023-2024

Dated Saitual the 11th May 2023: Vawiin khan Rural Development Minister Pu Lalruatkima'n DRDO office leh Project Director office Saitual ah a hawng.

He hawnna Inkhawm ah hian Rural Development Minister chuan thu sawiin Saitual a DRDO office hawn a ni thei chu lawmawm a tih thu a sawi a, tunah hian Khawzawl leh Hnahthial a DRDO Office pawh hawn mai theih in peihfel a ni tawh a ni, a ti. DRDO Office chu thawktu te leh mipui ten neitu thinlung pu a an enkawl a pawimawh thu a sawi bawk.

Minister chuan Rural Development hnathawh hrang hrang te sawiin Mizoram a RD block 28 neih mek ah thingtlang a awm te tihhmasawn nan chak takin hma a la a ni, a ti a. MNREGS hnathawh bikah phei chuan India ram a tehna hrang hrang ah Mizoram chuan pakhatna nihna a hauh nual a, chuvang chuan MNREGS leh Rurban a Mizoram kalphung leh hma lak dan te zir turin India ram hmun hrang hrang, Puducherry atang te meuh pawhin an Minister te an lo kal a ni, a ti. PMAY ah pawh Mizoram chu a thawk tha hle a, beneficiaries pawh PMAY plus 20000 chuang zet kan nei a ni a ti. Rurban cluster 2 ni thin pawh hnathawh that avangin 4 kan neih belh tawh a ni a ti a, Aibawk cluster pheichu India ram chhunga zo hmasa ber kanni ani, a ti. PMKSY 2.0 ah pawh Project implementing agency 18 ni thin chu hnathawh that avangin 2 pek belh a ni a,20 alo ni ta ni, a ti bawk.

Pu Lalruatkima chuan hmasawnna tamtak hi neih theih ani a, amaherawhchu heng hmasawnna te hi vawi khat a thleng mai thei a nilo a, a hlawhtlin theih nan zawi zawi a zirtirna in pek chhoh angai a, chumi atan chuan SIRD leh MzSRLM atangin mimal leh Self help Group engemawzah training chi hrang hrang pek thin an ni ati a. Minister chuan heng hmasawnna chi hrang hrang te hi sawrkar, kohhran leh khawtlang hruaitute thawhhona rah a ni a ti. Hmalakna hrang hrang ah hian duhkhawp lohna avanga thil tha tawk lo sawisel na awm thin chu a hriatthiam awm a, amaherawhchu thil thalo ringawt kan sawi chhuah a, a tha sawi zui anih miah loh hian kan rilru ah nghawng tha lo tak, mimal, chhungkua leh khawtlang ah a thlen thei a ni, a ti bawk.

Manipur, Myanmar leh Bangladesh a zohnahthlak unau te chanchin in rilru a tih hrehawm thu sawiin, kan harsat lai leh ramri buai kan neih lai pawh a min thlamuan thin tu kan unau te hi thlahthlam lo in an bulah kan awm reng anga, an natna chu kan natna a ni a, an hlimna pawh kan hlimna ani a, an mamawh leh chhawmdawl an ngaih na lai ah te tanpui turin kan in huam in kan in peih reng a ni, a ti . Kalkhawmte hnenah chuan raltlan te lo ngaihsak a hmangaihna thinlung pu a lo chhawmdawl chhunzawm zel turin a ngen bawk a ni.

Vawiin a Project Director office leh PD Quarter hawnna inkhawm ah hian Pi Irene Zohlimpuii Chawngthu chuan Technical report pe in Building chu MNREGS leh MLALADS convergence a sak a ni, a ti a. Office hi 27th August 2021 a sak tan ni in 31st December 2022 a sak zawh a ni a, thla 16 chhungin zawh fel a ni.

Project Director office leh Quarter hawnna inkhawm hi Dr. Lalngura Tlau, Saitual DC in kaihhruaiin Pi Margaret Lalrinawmi Fanai, Project Director, DRDO, Saitual in lawmthu sawina neiin tawpna a siam a. Vawiin program ahhian Minister bakah Aizawl atangin Rural Development staff te, Saitual a Office hrang hrang Staff te, Saitual Area VC te, Kohhran leh khawtlang hruaitu te leh sawm bik mi pawimawh te an tel a ni.