414/2023-2024

Aizawl, the 11th May, 2023: Transport Minister Pu T.J. Lalnuntluanga chuan vawiin khan Integrated Check Post (ICP), Agartala leh Border Haats, Kamalasagar, Tripura amite chu tlawhin Official-te nen hmalak dante zirchianna an nei.

Integrated Check Post (ICP) Agartala tlawhna hunah hian Indo-Bangla Border kaltlanga bungraw lakluh dan leh ICP kalpui a nih dan ICP Agartala official-te'n chipchiar takin an lo hrilhfiah a. Indo-Myanmar border kaltlangin tun aia insumdawntawnna mumal zawka kalpui a nih theih dan turte, sumdawnna hlawk zawka kalpui theih dan tur leh, mipuite'n bungraw man man zawka an lei theih dan turte an sawiho a ni.

ICP Agartala a tlawh zawh hian Minister Pu T.J. Lalnuntluanga chuan Border Haats, Kamalasagar tlawhin, Pi Antara Sarkar Deb, Kamalasagar Constituency MLA leh Official dangte'n an lo dawngsawng a. Indo-Bangla Border Haats a sumdawnna kalpui dan an lo sawipui a ni. Covid-19 hrilen hnuah Border Haats kalpui chhunzawm a la nih loh thu leh kalpui leh thuai tuma Bangladesh lam official-te nena indawrna an kalpui mek thu an lo hrilh a. Minister hian Champhai District Indo-Myanmar Border-a ramri kaltlang insumdawntawnna Border Haats kalpui ve theih dan turte sawipuiin, sumdawngte leh mipuite'n hlawk zawk leh tangkai zawka border trade an kalpui theih dan turte a sawipui bawk a ni.

Transport Minister hi Pu James Lalrinchhana, DC Champhai; Pu Lalrinpuia Varte, SP Champhai leh Pu Ronald Lalchhuanawma, Deputy Director cum Nodal Officer, Border Trade, Commerce & Industries Department-te'n an tawiawm a ni.