Vawiin chawhma khan Lunglei BDO Conference Hall-ah Lunglei 'S' Constituency-a chhungkua 19-te hnenah Rural Housing Scheme (Lunglei RD Block) atangin Rangva bundle 4 theuh bialtu MLA Pu S. Laldingliana, Lunglei HPC Vice Chairman leh HPC member Pu P. Lalhmangaihzuala ten semna hun an hmang.

Pu S. Laldingliana chuan Rural Housing Scheme atanga a bial chhunga rangva dawngtute chu a lawmpui thu a sawi a. Sawrkarin mirethei te tanpui nan NLUP-te sem in, chhungkaw tam takin an din chhuah pui tawh a ni, a ti a. Mi harsa leh mirethei te dinchhuah nan New Economic Development Policy hnuaiah cheng vbch. 250 hman dan tur rel leh mek a ni tiin, mirethei leh harsa te tana sawrkarin policy a siam hi mipuiin lawm nachang i hre thar ang u, a ti.

Rangva semna hun hi Lunglei BDO Dr. Malsawmtluanga Fanchun in a kaihruai a ni.