Vawiin khan Thingdawl RD Block huam chhunga beneficiaries 57 te hnenah  Rural housing scheme hnuaia In sak tanpuina rangva sem a ni.

He huna khuallian Tuirial A/C Bialtu MLA Pu Hmingdailova Khiangte chuan Sawrkar in mi harsa te tana chenna in thawm thatna tur Rangva a sem thei chu thil lawmawm tak ani tiin , In sak tanpuina rangva sem chu ti riral mai mai lova  a nihna tur dik taka hmang turin kalkhawm tanpuina dawngtute chu a chah a ni. Thingdawl RD Block hnuaia Tuirial A/C huam chhunga Beneficiaries te ina Subsidised rate a Rangva an khulh na tur chu Bialtu MLA hian a pek sak tih he hunah hian tarlan bawk a ni.

Semna inkhawm hi Thingdawl BDO Pu Gaston Vanlalhriatpuia’n a kaihruaia, he huna Rural Housing Scheme hnuaia tanpuina dawng tur 57 te atang hian Tuirial A/C huam chhung ami 50 an awm a, a bak mi 7 te hi Serlui A/C mi an ni. Mi pakhatin Bundle li theuh chu subsidised rate cheng 1920/- in an dawng anga, Bundle khatah hian phek 8 awmin, mi pakhat in phek 32 an dawng dawn tihna a ni.