Nimin khan Prof. Sanjoy Hazarika, Director, Centre for NE Studies and Policy Research Jamia Milla Islamia University leh India rama writer lar (Freelance Journalist) nibawk chuan Mizoram sorkar Flagship Programme, NLUP hmalakna Serchhip District khaw thenkhat ami a tlawh.

Prof. Sanjoy chuan NLUP in a tum berte zing ami mirethei khaichhuahna leh ramngaw leh tuihna humhalh chu ropui a tiin, “Khawvela sik leh sa inthlak danglam nasa tak awm chho zelah heng hi kan thei ang angin mihring ten kan bei tur a ni a, a ven theih angin ven hna kan thawh a ngai a, kan thlai te pawhin a ngeih thin ngeih ta lo, thlak ngaite pawh kan zir chian a ngai a ni” a ti.

Kut hnathawktute leh mirethei ten leirem an rahna tura hmalak pawh state dangte pawhin an ngaihtuah ve ngei a beisei thu Prof. Sanjoy chuan a sawi bawk.

Ram tih kan bansana eizawnna nghet neih theih nana NLUP hmalakna, sangha dil, Rubber leh coffee chin nana hmalak leh puantahna hmunte Buangpui leh Thenzawl khua ah te a tlawh a, a kal velna programme chu NLUP Media Cell in buaipuiin, Serchhip District Line department leh DC ten an lo tawiawm a ni.