Vawiin chawhnu khan Oil and National Gas Corporation (ONGC) bultumin sawrkar laipuia National Democratic Alliance (NDA) sawrkarin kum 3 chhunga a hnathawh langsar zualte puanzarna hun Saikuti Hall-ah hman a ni a. Lunglei District BJP President Dr. Aichhunga Ralte, Coordinator ‘Sabka Saath Sabka Vikas’ chuan he hun hi a kaihruai a ni.

He programme-ah hian Pu H. Malsawma, General Secretary, BJP Lunglei chuan NDA sawrkarin May Ni 26, 2014-2017 chhunga a hnathawh leh scheme hrang hrang a kalpui te tarlanna a nei a. Video clip hmangin heng hmalakna te thlir hona neih nghal a ni. Pu MC Das, Asset Manager, ONGC chuan ONGC-in kum 20 kalta atanga Mizorama hna a thawh te a tarlang bawk a ni.

Ruahman lawk ang chuan Manipur Agri & Vety Minister Pu V. Hangkhanlian chu Khuallian atan sawm a ni a. Khaw awm danin a zir loh avangin, Khuallian hian a programme a thulh a ni.