Sawrkar Laipui thuchhuak bawhzuiin vawiin khan Kahrawt Veng Community Hall ah Sabka Sath Sabka Vikas Sammelan(Collective Efforts Inclusive Development) hman a ni.
He hun hi Pu Vunjagin Valte MLA Manipur chuan khuallian niin a hmanpuia, khuallian chuan Sawrkar Laipui ina India ram tana hmasawnna tur kawng hrang hrang Scheme a duan te chu tarlangin heng scheme te hian Hmarchhak bial a tan pawh hmasawnna nasa tak a thlen theih thu a tarlang a ni.
Pu Vanlalngaihsaka IAS, Khualzahawm Champhai Bawrhsap ni bawk chuan Sawrkar Laipui Scheme hrang hrang kalpui mekte tarlangin mi harsa te tana insak tanpuina (Pradhan Mantri Awas Yojana), Damdawi man tlawma lei theihna (Jan Aushadi Scheme), inkalpawhna kawng siamna (PMGSY) leh scheme dangte chu Mizoram hmun hrang hranga kalpui mek a nih thu a sawi a. Heng Scheme hrang hrang te hian Mizoram tan kawng hrang hrangin hmasawnna a thlen thu a sawi bawk.
He hunah hian Bharat Sanchar Nigam Limited (BSNL) chuan kum 3 chhunga Sawrkar Laipui hmalakna hrang hrangte chu Video Clip nen entir na hun an buatsaiha, Champhai Sub Hqrs YMA atangin Cultural Item entir niin malzai ngaihthlak a ni bawk.
He hun hi Champhai khaw chhunga Sawrkar hnathawk hrang hrangte, Zirtirtu leh Zirlaite, NGO leh mipuite in an hmanpui a ni.
